தொலைக்காட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி
தொலைக்காட்சி லேபிளுடன் இடுகைகளைக் காண்பிக்கிறது. அனைத்து இடுகைகளையும் காண்பி

வெள்ளி, ஜூன் 05, 2009

மலரும் நினைவுகள்

2 கருத்துகள்
தூர்தர்ஷன்

சில விஷயங்களை நாம் எவ்வளவு நினைத்தாலும் மறக்க முடியாது. நம் மனத்தில் ஆழத்தில் அழுத்தமாக பதிந்திருக்கும். சிறுவயதில் என்னைக் கவர்ந்த இசையை உங்களுடன் பகிர்ந்துகொள்கிறேன். 

அந்த இசை என் மனத்தை ஏதோ செய்தது. அப்போதும், இப்போதும். அது எந்த இசை என்றால் தூர்தர்ஷன் தொடங்க இசைதான். 

ஆம் நாளுக்கு நாள் ஒரு தொலைக்காட்சி ஒன்று புதிதாக வந்துகொண்டே இருக்கும் இந்த காலத்தில், எத்தனையோ தொலைக்காட்சிகள் வந்திருந்தாலும், நான் முதன்முதலில் பார்த்து ரசித்தது சென்னை தொலைக்காட்சியைத்தான். 

அதிலும் தொலைக்காட்சி தொடங்கும்முன் கொய்ங்............ என்று ஒரு சத்தம் வந்துகொண்டிருப்பதில் இருந்து நான் பார்த்திருக்கிறேன்.

குறிப்பாக தொலைக்காட்சி தொடங்குவதற்காக அந்தக் கால தூர்தர்ஷன் எம்பளம் சுழன்றுகொண்டே தொடங்க இசை வரும். அந்த இசையில் அப்படி என்னதான் இருக்கிறது என்று எனக்குத் தெரியவில்லை. ஆனால் அந்தச் சிறுவயதி்ல் என் மனதை நெருடி, வருடி ஏதோ செய்தது இன்றைக்கும் என் நினைவில் இருக்கிறது. அந்த இசையை இப்போது கேட்டாலும் ஆனந்தமாகதான் இருக்கும். 

ஆனால் தூர்தர்ஷன் இப்போதெல்லாம் அந்த இசையை காண்பிப்பதாக எனக்குத் தெரியவில்லை. எனவே அந்த இசைக்காட்சியைப் பார்க்காதவர்களுக்காக, கேட்காதவர்களுக்கோ, இதோ...

வெள்ளி, பிப்ரவரி 06, 2009

2 கருத்துகள்

நீங்களும் தயாரா?

தினமும் இரவு 8 மணிக்கு மக்கள் தொலைக்காட்சியில் செய்திகள் பார்ப்பது என் வழக்கம். அப்படிதான் அந்த சனிக்கிழமையும் மக்கள் செய்தியைப் பார்த்து கொண்டிருந்தேன். விளம்பர இடைவேளை வந்தது. கைவிரல் எல்லோரையும்போல் ரிமோட்டுக்கு சென்று சேனலை மாற்றியது. சேனல் மாறிக் கொண்டே வந்தது.

மெகா டிவியில் வந்து நின்றது. மெல்லிசை மன்னர் எம்.எஸ்.வி. பேசிக்கொண்டிருந்தார். என்ன பேசுகிறார்? என்று ஆவலுடன் பார்த்தேன் மெகா டிவியை. 

தான் இசையமைத்த ஒவ்வொரு பாடல்களின் பிறந்த, வளர்ந்த , உருவானதைச் சொல்லிக் கொண்டிருந்தார். அவர் சொல்லி முடித்ததும் அங்கு அமர்ந்திருக்கும் இசைக்குழுவினரால் அந்தப் பாடல் பாடப்படும். 

எம்.எஸ்.வி.யைப் பேட்டி எடுப்பவர் ஆதவன். ‘யார்?’ என்று கேட்பீர்கள். ‘கோலங்கள்’ தொடரில் தோழர் பாலகிருஷ்ணனாக வருபவர் (பார்த்திருப்பீர்களா!). 

சில பாடல்கள் பாடும்போது, பாடிய முடிக்கும்போது ஆதவன் உணர்ச்சிவசப்பட்டு அழுதே விடுகிறார். எம்.எஸ்.வி., கண்ணதாசனைப் பற்றி பேசும்போது உணர்ச்சிவசப்படுகிறார் கண்ணீர் சிந்துகிறார். கர்சீப்புகள் நனைகின்றன. பார்க்கும் சிலருக்கும்தான். 

மனதுக்கு அமைதியான, ஆறுதலான, மென்மையான, நிறைவான, மகிழ்வான, சோகமான இசையை கேட்பதற்கு நீங்கள் தயாரா?

‘மெகா டிவி’யில் சனிக்கிழமை இரவு 8 மணிக்கும், ஞாயிற்றுக்கிழமை காலை 10 மணிக்கும் ‘என்றும் எம்எஸ்வி’ என்ற இந்த நிகழ்ச்சியைக் கடந்த சில வாரங்களாக பார்க்கும் நான், மெய் மறந்தேன் என்றே சொல்லலாம். நீங்களும் தயாரா?

வெள்ளி, ஜனவரி 16, 2009

2 கருத்துகள்

மக்கள் தொலைக்காட்சியின் சிறப்பு

இந்த பொங்கலன்று தொலைக்காட்சிகள் எல்லாம் சின்னத்திரையில் முதல் முறையாக என்று படப் பொங்கல் வைத்தன. நான் அந்தத் தொல்லைக்காட்சிகளையெல்லாம் பார்க்காமல் இருந்ததற்கு என் அப்பாவிற்கு நன்றியைச் சொல்லிக்கொள்ள வேண்டும். மக்கள் தொலைக்காட்சியைப் பார்க்க நேர்ந்தது. மக்கள் தொலைக்காட்சியில் ‘மக்கள் விருது - 2008’ என்ற விருதினை சிறந்த கல்வியாளர், சிறந்த கிராமம், சிறந்த சுயஉதவிக் குழு, சிறந்த மருத்துவர், சிறந்த விவசாயி, சிறந்த பதிப்பகம், சிறந்த ஓவியர், சிறந்த எழுத்தாளர், சிறந்த ஆவணப்படம், சிறந்த குறும்படம், சிறந்த மாற்று திறனாளர், சிறந்த விளையாட்டு வீரர், சிறந்த மழலை மேதை என்று 31 பேருக்கு வழங்கினார்கள். இதில் சிறப்பு என்னவென்றால் இதுவரை திரையுலகம் பக்கமே தலைசாய்க்காத மக்கள் தொலைக்காட்சி முதன்முறையாக சிறந்த திரைப்படமாக ‘பூ’ படத்தினைத் தேர்வு செய்து அதற்கும் விருது வழங்கியுள்ளார்கள். சில விருதுகளை மேடையில் இருந்து கீழே இறங்கி வந்து வழங்கியது மனதை நெகிழ வைத்தது. மக்கள் தொலைக்காட்சி தனக்கென்று ஒரு பாணி வைத்திருப்பது பாராட்ட வேண்டிய விஷயமாகும். சிறந்த தொலைக்காட்சி எதுவென்று கேட்டால் ‘மக்கள் தொலைக்காட்சி’யை யார் கேட்டாலும் சொல்லலாம்.